Back

ⓘ Wong Batak utawa Suku Batak iku bebrayan ing Indonésia. Jeneng iki kalebu jeneng terma kolèktif kanggo ngidentifikasi bebrayan kang manggon saka Tapanuli lan Su ..



Wong Batak
                                     

ⓘ Wong Batak

Wong Batak utawa Suku Batak iku bebrayan ing Indonésia. Jeneng iki kalebu jeneng terma kolèktif kanggo ngidentifikasi bebrayan kang manggon saka Tapanuli lan Sumatra Wétan, ing Sumatra Lor. Suku bangsa kang kagolongaké kanthi jeneng wong Batak yaiku: Batak Toba, Batak Karo, Batak Pakpak, Batak Simalungun, Batak Angkola, lan Batak Mandailing.

Akeh-akehé wong Batak ngugemi agama Kristen lan sisané ngugemi agama Islam. Nanging ana uga wong Batak kang ngugemi agama Malim lan ngugemi kapercayaan animisme kang diarani Sipelebegu utawa Parbegu. Nanging cacahé wong kang nganut kapitayan iki sangsaya suda.

                                     

1. Sajarah

Wong Batak kalebu ras Mongoloid Kidul kang basané Austronesiananging durung dingertèni kapan leluhur wong Batak kang sepisanan manggon ing Tapanuli lan Sumatra Wétan. Basa lan bukti-bukti arkéologi kang nuduhaké yèn wong kang nggunakaké basa Austronesia saka Taiwan wis pindhah ing Filipina lan Indonésia kurang luwih 2.500 taun kapungkur yaiku nalaika jaman batu mudha Neolitikum. Miturut legenda kang dipercaya masarakat batak, wong Batak asalé saka pusuk buhit ing laladan sianjur Mula-mulakang manggon ing kulon Pangururan ing pinggiran tlaga Toba. Miturut ahli sajarah Batak nerangaké yèn Raja Batak lan rombongané asalé saka Thailand kang nyebrang ing Sumatra lumantar Ujung Malaysia lan pungkasané tekan Sianjur mula lan manggon ing kono. Saka prasasti kang tinemu Portibi kang tinulis taun 1208 lan diwaca karo Prof.Nilakantisari yaiku Guru Besar ahli Kepurbakalaan kang asalé saka Madras, India nerangaké yèn nalika taun 1024 kraton Cola saka India nyerang Sriwijaya lan nguwasani laladan Barus. Pasukan saka kraton Cola iku kalebu wong-wong Tamil. Iki amarga tinemu wong Tamil kang cacahé 1500 wong ing Barus nalika iku. tamil iku suku kang manggon ing India. Amarga karajan Coe nyerang, siRaja Batak lan rombongané lunga nganti laladan portibi ing kidul Tlaga Toba lan saka kené siRaja Batak wiwit nyekel lan dadi pemimpin perang. Suku Batak duwé kabudayan kang jenengé ulos Batak.

Free and no ads
no need to download or install

Pino - logical board game which is based on tactics and strategy. In general this is a remix of chess, checkers and corners. The game develops imagination, concentration, teaches how to solve tasks, plan their own actions and of course to think logically. It does not matter how much pieces you have, the main thing is how they are placement!

online intellectual game →