Back

ⓘ Alphonsus Augustus Sowada. Mgr. Alphonsus Augustus Sowada, O.S.C. yaiku Uskup ing Keuskupan Agats. Kejaba imam lan rohaniwan, Sowada uga misuwur ing masyarakat ..




                                     

ⓘ Alphonsus Augustus Sowada

Mgr. Alphonsus Augustus Sowada, O.S.C. yaiku Uskup ing Keuskupan Agats. Kejaba imam lan rohaniwan, Sowada uga misuwur ing masyarakat minangka salah sijine antropolog.

                                     

1. Pawiyatan lan pakaryan

Sowada lair saka bapa Alphonse B. lan ibu Monica Pierskalla Sowada. Dhèwèke lulus SD ing Distrik 52 rural Elmdale lan nerusaké ing Sekolah Seminari Salib Suci, Onamia. Sowada ditahbisaké tanggal 31 Mei 1958 ing Fort Wayne, Indiana déning Mgr. Leo Aloysius Pursley, Uskup Fort Wayne. Sawisé kuwi, dhèwèké kasil ngrengkuh gelar Master antropolgi budaya saka Universitas Katolik Amerika taun 1961. Sowada teka ing Asmat wulan Mei 1961, sabanjuré éntuk panugasan minangka pastor paroki Sawa-Erma saka taun 1962 tumeka 1965, lan ing Agats saka 1965 tumeka 1969. Nanging dhèwèké uga kapracaya minangka Superior Regional kanggo para Ordo Salib Suci di Agats.

Ing 14 Desember 1966, Pastor Sowada diangkat dadi Vikaris Jenderal Asmat. Sabanjuré kapilih dadi Uskup di Keuskupan Agats tanggal 29 Mei 1969 déning Paus Paulus VI. Dhèwèké nampa konsekrasi tanggal 23 November 1969 déning Uskup Agung Joseph Mees, Uskup Agung Tituler Ypres kang uga Nuncio Apostolik kanggo Indonesia. Sawetara, Uskup Agung Herman Tillemans, M.S.C., Uskup Agung Merauke lan Uskup Rudolf Joseph Manfred Staverman, O.F.M., Uskup Sukarnapura ngayahi minangka Uskup Ko-konsekrator.

Sasuwéné dadi uskup, Sowada naté dadi Uskup Penahbis Pangiring kanggo Mgr. Herman Ferdinandus Maria Münninghoff, O.F.M. minangka Uskup Djajapura ing 10 September 1972, Mgr. Alexander Soetandio Djajasiswaja minangka Uskup Bandung pada 11 November 1984, Mgr. Leo Laba Ladjar, O.F.M. minangka Uskup Auksilier Jayapura kanthi jejuluk Uskup Tituler Bencenna ing 10 April 1994, srta kanggo paneruse, Mgr. Aloysius Murwito, O.F.M. minangka Uskup Agats ing tanggal 15 September 2002.

Sowada makarya tumeka 9 Mei 2001 kanthi pangunduran dhiri. Administrasi Keuskupan Agats sabanjuré dicekel déning Vikaris Jendral Keuskupan Agats, Mgr. Virgil Petermeier, O.S.C. Mgr. Pada 11 Januari 2014, Sowada tilar donya ing Mille Lacs Health System, Onamia, Amerika Serikat krana radang paru-paru lan influenza. Misa requiem kalaksanan tanggal 17 Januari 2014 ing Katedral Santa Maria, St. Cloud, Minnesota, kang kapimpin déning Mgr. Donald Joseph Kettler, Uskup Saint Cloud, ing kono homili diayahi déning Mgr. John Francis Kinney, Uskup Emeritus Saint Cloud. Sowada disarèkké ing Priorat Ordo Salib Suci, Onamia, Mille Lacs County, Minnesota, Amerika Serikat.