Back

ⓘ Tokyo Ghoul yaiku sérial manga kang dianggit déning Sui Ishida. Tokyo Ghoul miwiti debut kapisan ing taun 2010, mula bisa ngancik urutan kaloro ing Weekly Young ..




                                     

ⓘ Tokyo Ghoul

Tokyo Ghoul yaiku sérial manga kang dianggit déning Sui Ishida. Tokyo Ghoul miwiti debut kapisan ing taun 2010, mula bisa ngancik urutan kaloro ing Weekly Young Jump 113th Grand Prix. Séri-sériné terbit wiwit taun 2011 nganti taun 2014 ing Weekly Young Jump kalawarta Shueisha, lan sabubaré dijupuk dadi séri light novel lan anime ing taun 2014. Manga iki uga dipertal ing basa Inggris lan kasil ngancik urutan sing dhuwur ing Pratélaning Dodolan Apik Dhéwé The New York Times ing taun 2015. Prekuelé kang duwé sesirah Tokyo Ghoul wis disebar kanthi digital ing Jump Live ing taun 2013. Ing taun 2014, piyambaké miwiti sekuel kang duwé sesirah Tokyo Ghoul:re. Ing Maret 2017, Tokyo Ghoul lan sekuelé dicétak luwih saka 22 yuta ékslempar ing sirkulasi. Tokyo Ghoul dijupuk dadi sérial anime TV kanthi 12 épisode kang digarap déning studio Pierrot. Anime iku digiyaraké ing Tokyo MX sawatara Juli nganti September 2014. Banjur diteruské ing mangsa ka-2 kanthi 12 épisode kang duwé sesirah Tokyo Ghoul √A, kang wiwit digiyaraké ing tanggal 8 Januari 2015. Funimation duwé lisensi sérial anime kanggo distribusi streaming lan vidio kanggo ditonton ing omah ing Amerika Lor. Sérial iki diduwéni déning Madman Entertainment kanggo distribusi digital ing Australia lan Selandia Baru.

                                     

1. Sinopsis

Ken Kaneki, sing ora bisa ngupadi manèh urip sawisé patemon sing bebaya karo Rize Kamishiro, sawijining ghoul, yaiku makhluk kang memper karo manungsa kang mburu lan mangan daging manugsa. Sawisé mari, Kaneki ngerteni yen gegara operasi kuwi, dhèwèké owah dadi setengah ghoul, lan kayadene wong akèh, dhèwèké kudu mangan daging manungsa supaya bisa urip. Ing kaanan kang ruwet lan ora duwé arah, dhèwèké dijipuk karo manajer kedai kopi "Anteiku", yaiku Yoshimura lan Touka Kirishima sing ngajari kanggo ngadhepi kauripan anyaré minangka setengah manungsa/setengah ghoul. Yoshimuran lan Kirishima ngajari kepriyé sesambungan karo masarakat ghoul lan ngadhepi pirang-pirang ghoul sing béda golongan, uga diajari cara ngupadi kanggo njaga wadi identitasé saka manungsa liyané. Ing kana, dhèwèké ketemu karo Tsukiyama Shuu kang duwé pepinginan kanggo mangan Kaneki lan senioré ing kampus, Nishiki Nishio lan pacangé, Kimi.

Sérial prekuel Tokyo Ghoul: JACK nyritaké nom-noman jenengé Kishou Arima lan Taishi Fura, loro paraga saka serial utama sing tepungan nalika loro-loroné gabung kanggo goleki sisik-meliké matiné kancané Taishi ing tangané ghoul. Saka kadadéan iku, Taishi mèlu Arima lan gabung karo CCG Komisi Penanggulangan Ghoul, agèn federal kang duwé jejibahan kanggo nangani karusakan kang digaé déning ghoul.

Serial sekuel Tokyo Ghoul: re nyeritaké Kaneki sing amnésia lan duwé idhéntitas anyar yaiku Haise Sasaki, sing dadi pamimpin tim ​​CCG karan "Quinx Squad".

                                     

2.1. Medhia Anime

Delengen uga: Pratélaning Épisode Tokyo Ghoul

Rolas épisode anime digarap déning Pierrot lan digiyaraké ing Tokyo MX wiwit tanggal 4 Juli 2014 nganti 19 September 2014. Anime iki uga digiyaraké ing TVA, TVQ, TVO, AT-X, lan Dlife. Lagu pambukané sesirahé "unravel" dinyanyiké "TK saka Ling Tosite Sigure", lan lagu panutup sesirahé "Wong Suci" 聖者たち, Seijatachi? dinyanyike déning People In The Box. Funimation duwé lisensi serial anime kanggo distribusi streaming lan vidio omah ing Amerika Lor. Mangsa kaloro, sesirahé Tokyo Ghoul √A root A digiyaraké ing Jepang wiwit tanggal 9 Januari 2015 nganti 27 Maret 2015. Lagu pambuka sesirahé "Incompetence" 無能, Munō? déning österreich, lan lagu panutup sesirahé "The Seasons Die Out, One After Another" 季節は次々死んでいく, Kisetsu wa Tsugitsugi Shindeiku? déning Amazarashi.

Mangsa katelu, sesirahé Tokyo Ghoul:re wis dibyawarakaké ing 5 Oktober 2017 lan rencanané digiyaraké ing taun 2018.

                                     

2.2. Medhia Vidio gim

Vidio gim kanthi sesirah Tokyo Ghoul: Carnaval déning Bandai Namco Games wis dibabar ing Jepang kanggo telepon canggih Android ing 6 Februari 2015, lan 9 Februari 2015 kanggo iOS. Pamain bisa mbangun tim saka sawenèh ghoul lan investigator lan njlajahi peta 3D. Vidio gim liyané kanthi sesirah Tokyo Ghoul: Jail kanggo konsol PlayStation Vita wis dibabar ing 1 Oktober 2015. Ing dolanan vidio iki ditepungaké karakter protagonis anyar, yaiku Rio Tay Ryn, sing bakal sesambungan karo paraga saka anime/manga. Gim iki dikembangaké déning Bandai Namco Games lan kalebu ing genre RPG petualangan, sing pamain bakal diajak njlajah dhistrik 23 Tokyo.

                                     

2.3. Medhia Filem live-action

Filem live-action wis dibabar ing Jepang tanggal 29 Juli 2017 kanthi besutan Kentarō Hagiwara. Masataka Kubota minangka paraga protagonis Ken Kaneki lan Fumika Shimizu minangka Touka Kirishima. Yū Aoi miangka Rize Kamishiro, Nobuyuki Suzuki minangka Kotaro Amon lan Yo Oizumi miangka Kureo Mado.

                                     

3. Pangadolan

Tokyo Ghoul kalebu serial manga laris nomor ka-27 ing Jepang ing taun 2013, kanthi udakara 1.666.348 sing kaadol. Nganti Januari 2014, manga kasebut wis kaadol udakara 2.6 yuta kopi. Tokyo Ghoul iku séri manga laris ka-4 ing Jepang ing taun 2014, kanthi udakara 6.946.203 éksemplar sing kaadol. Kabèh séri asliné kaadol luwih saka 12 yuta éksemplar, séri sekuelé, Tokyo Ghoul: re kaadol luwih saka 3.7 yuta kopi ing Jepang ing tahun debuté 2015. Ing Juni 2017, kaloro-loroné wis didol nganti luwih saka 24 yuta kopi. Ing Januari 2018, keloro-loroné wis dicétak 34 yuta kopi ing sadonya.